Կարո Փայլանը նստացույց է սկսել Թուրքիայի Սահմանադրական դատարանի շենքում

Թուրքիայում քրդամետ Ժողովուրդների դեմոկրատական կուսակցության հայ պատգամավոր Կարո Փայլանն իր մի քանի կուսակիցների հետ «Խիղճ և արդարություն» կարգախոսով բողոքի նստացույց է սկսել Թուրքիայի Սահմանադրական դատարանի շենքում: Այդ մասին Փայլանը հայտնել է իր թվիթերյան էջում:

Պատգամավորը նման քայլի է դիմել՝ իր կուսակից ընկերների, այդ թվում՝ կուսակցության համանախագահ Սելահաթթին Դեմիրթաշի ապօրինի բանտարկության պատճառով: Նստացույցի մասնակիցները պահանջում են ազատ արձակել նրանց:

Նստացույցն սկսվել է այն բանից հետո, երբ ԺԴԿ-ի մի խումբ հանդիպում է խնդրել Սահմանադրական դատարանի նախագահի հետ և մերժում ստացել: