Ադրբեջանական «Թուրան» գործակալությունը հնարավոր է փակեն

 Քրեական գործի շրջանակում ադրբեջանական «Թուրան» լրատվական գործակալության  խմբագրությունում ստուգումներ են իրականացվում: Այդ մասին պատմել է լրատվական գործակալության տնօրեն Մեհման Ալիևը. հայտնում է minval.az-ը:

Նրա խոսքով՝ «Թուրան»-ի դեմ խոշոր հարկերի վճարումից խուսափելու մեղադրանք է առաջադրվել, ինչի պատճառով գրասենյակում այժմ ստուգումներ են անցկացնում: 

«Մեզ մեղադրում են հարկերից խուսափելու մեջ: Մեխանիկորեն ստուգումներ են սկսվել: Մենք բոլորս գիտենք՝ ինչպես է Ադրբեջանում անցնում այդ գործընթացը: Արդյունքը գուշակել նույնպես դժվար չէ: «Թուրան»-ը կարող են փակել: Բնականաբար, այդ գործընթացը կարող է տեղի ունենալ անօրինական գործողությունների արդյունքում»,- ասել է Ալիևը: