Կան ճանապարհներ, որոնցով հնարավոր է թույլ չտալ, որ Արցախի հարցը փակեն․ Մետաքսե Հակոբյան

«Ահռելի է իշխանությունների անելիքը, բայց կան ճանապարհներ, որի ուղղությամբ հնարավոր է տանել աշխատանքներ և թույլ չտալ, որ Արցախի հարցը փակեն, որ աշխարհը անտարբեր վերաբերվի մեր գերիներին, թույլ չտալ, որ մեր պատմամշակութային ժառանգության ոչնչացումը շատ հանգիստ ու լուռ դիտվի աշխարհի կողմից»,- Շվեյցարիայի դեսպանատան առջև ակցիայի ժամանակ լրագրողների հետ զրույցում նշեց Արցախի ԱԺ պատգամավոր Մետաքսե Հակոբյանը:

Պատգամավորի խոսքով՝ սրանք աշխատանքներ են, որը իշխանությունների փոխվելու պարագայում շատ արագ օրակարգային հարց կարող է դառնալ միջազգային տարբեր հարթակներում:
 

«Հուսանք, որ համապատասխան կառույցները կսկսեն պատժամիջոցներ կիրառել Ադրբեջանի նկատմամբ»,-նշեց Մետաքսե Հակոբյանը: