Կրակոցներ Քոբուլեթիում.ըստ ականատեսի՝ կրակողը քաղաքացիական հագուստով ոստիկան է

Ինչպես հաղորդում է Tert.am-ը, քիչ առաջ Վրաստանի Քոբուլեթի հանգստավայրում կրակոցներ են հնչել։

Քաղաքի Ռուսթավելի փողոցում հանգստյան տուն ընտրած Կարեն Գրիգորյանը Tert.am-ին փոխանցեց,որ դեպքի վայրում բազմաթիվ քաղաքացիներ են հավաքվել,ովքեր ավելի քան երկու կրակոց են լսել։

«Մոտավորապես մեկ ժամ առաջ հնչեցին կրակոցներ։Այս պահին դեպքի վայրում են աշխատում իրավապահները։ Ականատեսները պատմում են,որ դեպքի վայրում կանգնել և մեքենայից կրակել են այստեղ գտնվող երիտասարդի ուղղությամբ։ Ասում են,որ կրակողը քաղաքացիական հագուստով ոստիկան է։ Իրավապահները ևս դա գոնե բանավոր չեն հերքում»,-ասաց Գրիգորյանը։

Նրա խոսքով՝ կրակոցներն արձակել են ազգությամբ վրացի երիտասարդի ուղղությամբ։ Դեպքի վայրում դեռ շարունակում են աշխատել իրավապահները։

Տուժածներ լինելու մասին տեղեկությունները դեռ պարզ չեն։