|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Ոստիկանության կիրառած ուժի հետևանքով տուժած ակտիվիստներից մեկը, yerkir.am-ին պատմելով դեպքի մասին, նշեց, որ ակտիվիստներին ցրելու գործում մեծ դերակատարություն են ունեցել քաղաքացիական հագուստով ոստիկանները: «Քաղաքացիական հագուստով անձինք աջ ու ձախ խփում էին, մարդկանց հայհոյում, մեր հետևից վազում…»,- ասաց նա:
Yerkir.am-ն այս կապակցությամբ պարզաբանում խնդրեց ՀՀ ոստիկանությունից: Ի պատասխան՝ ոստիկանության հասարակայնության հետ կապերի և լրատվության բաժնի պետ Աշոտ Ահարոնյանն ասաց, որ դրանք ոստիկանության օպերատիվ աշխատակիցներն են եղել, ովքեր «police» գրությամբ թևկապներ են կրել:
Դիտարկմանը, թե, ականատեսների և բերման ենթարկվածների խոսքով, ինչպես նաև հրապարակված տեսանյութերում թևկապներով ոստիկաններ չեն երևում, Ահարոնյանը պատասխանեց. «Գուցե չեն նկատել դրանք, չի բացառվում, որ մեկ-երկուսի թևկապը գործողության ժամանակ ընկել է»: