ԱԺ մշտական հանձնաժողովների նախագահներն ընտրված են, արդյունքներն ամփոփվեցին

Հայտնել ենք, որ խորհրդարանում ընթանում է ԱԺ մշտական հանձնաժողովների նախագահների ընտրությունը: Մինչև քվեարկությունը, բոլոր ինը հանձնաժողովների նախագահների թեկնածուները ելույթ ունեցան և ներկայացրեցին իրենց մոտեցումներն ու պատկերացումները՝ առաջիկա աշխատանքերի վերաբերյալ:

Առողջապահության և սոցիալական հարցերի հանձնաժողովում ՀՀԿ խմբակցությունն առաջարկել է ՀՀԿ-ական Հակոբ Հակոբյանի թեկնածությունը:

Եվրոպական ինտեգրման հարցերով մշտական հանձնաժողովի նախագահի պաշտոնում «Ծառուկյան» դաշինքի կողմից առաջարկվել է Նաիրա Զոհրաբյանի թեկնածությունը:

Արտաքին հարաբերությունների մշտական հանձնաժողովում ՀՀԿ-ն առաջարկել է Արմեն Աշոտյանի թեկնածությունը:

Պաշտպանության և անվտանգության հարցերի մշտական հանձնաժողովում՝ ՀՀԿ-ական Կորյուն Նահապետյանի թեկնածությունը:

«Ծառուկյան» դաշինքը Գիտության, կրթության, մշակույթի, երիտասարդության և սպորտի հարցերի հանձնաժողովում առաջարկվել է Վարդան Բոստանջյանի թեկնածությունը, Պետաիրավական և հանրային հարցերի հանձնաժողովում առաջադրվել է ՀՀԿ-ական Հրայր Թովմասյանի թեկնածությունը, Տնտեսական հարցերի հանձնաժողովում՝ Խոսրով Հարությունյանի թեկնածությունը, Տարածքային կառավարման և գյուղատնտեսության հանձնաժողովի նախագահի պաշտոնում առաջադրվել է «Ծառուկյան» դաշինքից Վարդևան Գրիգորյանի թեկնածությունը, իսկ Ֆինանսաբյուջետային հանձնաժողովի նախագահի պաշտոնում՝ Գագիկ Մինասյանի թեկնածությունը:

Հանձնաժողովի նախագահի թեկնածուների ելույթներից և նրանց ու մյուս պատգամավորների հարցուպատասխաններից հետո ԱԺ հաշվիչ հանձնաժողովի նախագահ Գագիկ Մելիքյանը նշեց, որ քվեարկությունն իրականցվելու է ինը քվերաթերթիկներով: Ամփոփելով հանձնաժողովների նախագահների ընտրությունների արդյունքները՝ Մելիքյանն ասաց, որ ընտրությանը 105 պատգամավորից մասնակցել են 94-ը:

Ձայների հարաբերակցությունն այսպիսին է.

Հակոբ Հակոբյան-1 անվավեր, 80 կողմ, 13 դեմ

Նաիրա Զոհրաբյան-4 անվավեր, 73 կողմ, 17 դեմ

Արմեն Աշոտյան-2 անվավեր, 56 կողմ, 36 դեմ

Կորյուն Նահապետյան-2 անվավեր, 81 կողմ, 11 դեմ

Վարդան Բոստանջյան-2 անվավեր, 85 կողմ, 7 դեմ

Հրայր Թովմասյան-0 անվավեր, 78 կողմ, 16 դեմ

Խոսրով Հարությունյան- 1 անվավեր, 78 կողմ, 15 դեմ

Վարդևան Գրիգորյան-1 անվավեր, 87 կողմ, 6 դեմ

Գագիկ Մինասյան-1 անվավեր, 92 կողմ, 1 դեմ