Համայնքներում կստեղծվեն անասնաբույժների հաստիքներ, անասնաբուժական շարժական խմբեր

Այսօր` կառավարության նիստի օրակարգին անցնելուց առաջ, վարչապետ Կարեն Կարապետյանը հանձնարարական տվեց գյուղացիական և ֆերմերային տնտեսություններին` կենդանիների վարակիչ հիվանդությունների կանխարգելման վերաբերյալ:

Հաշվի առնելով ներկայիս շրջանում կենդանիների հնարավոր վարակների և հիվանդությունների ռիսկայնությունը, դրանից ելնելով` գյուղացիական և ֆերմերային տնտեսություններում կենդանիների բուժկանխարգելիչ միջոցառումների և կենդանիների վարակիչ հիվանդությունների նկատմամբ պետական օժանդակության արդյունավետության բարձրացման անհրաժեշտությունը, ՀՀ գյուղատնտեսության և տարածքային կառավարման և զարգացման նախարարներին հանձնարարվեց 2-շաբաթյա ժամկետում կառավարության աշխատակազմ ներկայացնել առաջարկություններ սույն թվականի մայիսի 1-ից Հայաստանի Հանրապետության համայնքներում անասնաբույժի հաստիքներ սահմանելու և արյունառման, պատվաստումների աշխատանքներ իրականացնող շարժական խմբեր ստեղծելու վերաբերյալ:

«Լուծումը նույնն է` եկեք բազիսային համակարգ ստեղծենք, ինչպես վակցինացիան տվեցինք կառավարման, հետո մտածում ենք ոնց ենք դա կազմակերպելու»,- ասաց Կարեն Կարապետյանը: