Մարդիկ նայում են` ինչ գնով է նա խաղաղություն քարոզում. Կարեն Քոչարյանը` Լևոն Տեր-Պետրոսյանի մասին

ՀՀ առաջին նախագահ Լևոն Տեր-Պետրոսյանը փորձեց օգտագործել այն փաստը, որ քանիցս` ապրիլյան պատերազմի ժամանակ, հուլիսյան դեպքերին, օգնեց իշխանությանը: Այսօր` լրագրողների հետ զրույցի ժամանակ, նման կարծիք հայտնեց քաղտեխնոլոգ Կարեն Քոչարյանը` խոսելով առաջին նախագահի` վերջին օրերին ակտիվանալու և հարցազրույցներ տալու վերաբերյալ:

Ըստ նրա` Տեր-Պետրոսյանի հաշվարկը, որ կարող է իշխանություններին օգնելու փաստն օգտագործել, չաշխատեց: «Այսօրվա ընտրազանգվածի համար դա չաշխատեց, և մարդիկ ոչ թե նայում են այն բանին, որ նա խաղաղության կոչեր է անում, այլ` ինչ գնով է խաղաղություն քարոզում»,-ասաց Քոչարյանը:

Հարցին, թե ինչն է պատճառը, որ Տեր-Պետրոսյանն ակտիվացել է` արդյոք նա դա անում է` ինչ-որ մեկի խոսքով` Քոչարյանը պատասխանեց, որ Տեր-Պետրոսյանն այն ֆիգուրը չէ, որ ակտիվանա ինչ-որ մեկի ասելով: