Շատ նման է 94 թ․-ի Լևոն Տեր-Պետրոսյանի գործողություններին․ փաստաբանը՝ Գագիկ Սարգսյանի գործի մասին

Տեղի է ունենում քաղբանտարկյալ, «Ձայն հայրենյաց» մտավորականների նախաձեռնության անդամ, «Զարթոնք» ազգագրական համույթի գեղարվեստական ղեկավար, մշակույթի գործիչ Գագիկ Սարգսյանի պաշտպանության խորհրդի մամուլի ասուլիսը։ Ասուլիսին մասնակցում են Գագիկ Սարգսյանի պաշտպանության խորհրդի նախագահ, արդարադատության գեներալ-մայոր Թաթուլ Պետրոսյանը, խորհրդի անդամներ՝ ոստիկանության գեներալ-մայոր Գագիկ Համբարձումյանը, փաստաբան Մկրտիչ Դավթյանը և ՀՀ մշակույթի վաստակավոր գործիչ Սարգիս Բաղդասարյանը։

Մեր գործընկերոջը կալանավորել են բացարձակապես քաղաքական հայացքների պատճառով։ Այս մասին մամուլի ասուլիսի ժամանակ նշեց Թաթուլ Պետրոսյանը։

Փաստաբան Մկրտիչ Դավթյանը ներկայացրեց իրավիճակը և գործը նմանեցրեց 94-ի Լևոն Տեր-Պետրոսյանի գործողություններին։ 

Հիշեցնենք, որ մարտի 13-ին ԱԱԾ հատուկջոկատայինները ներխուժել են Գագիկ Սարգսյանի տուն, և, ինչպես հայտնել է նրա որդին, խուզարկել են տունը, տակնուվրա արել ամբողջությամբ, ապա՝ ձերբակալել։ Ավելի ուշ հայտնի դարձավ, որ Գագիկ Սարգսյանը ձերբակալվել է «ՔՊ»-ական Գագիկ Մելքոնյանի և ՔՊ գրասենյակի մոտ պայթուցիկ նյութերի հայտնաբերման դեպքով, որը ՔԿ-ն որակել է որպես ահաբեկչական գործողություն։ Երևանի ընդհանուր իրավասության դատարանը՝ դատավոր Հովհաննես Ավագյանի նախագահությամբ, մարտի 14-ին մասնակի բավարարել է Սարգսյանի նկատմամբ կալանավորումը որպես խափանման միջոց ընտրելու մասին քննիչի միջնորդությունը՝ թույլատրելով կալանավորումը մեկ ամսով։ Այդ գործով հետապնդում է իրականացվում ևս երեք անձի նկատմամբ, որոնցից երկուսը կրկին կալանավորված են։ Օրերս էլ ՔԿ-ն հայտնեց ևս մեկի անձի նկատմամբ հետախուզում հայտարարելու մասին»։

Մանրամասն՝ տեսանյութոում