Հայաստանն իր հարաբերությունները ԵՄ-ի հետ չի կառուցում ի վնաս ՌԴ-ի. ՀՀ-ում ՌԴ դեսպան

Ռուսաստանին և Հայաստանին կապում են դաշնակցային բնույթի կապեր, ռուս և հայ ժողովուրդները եղբայրական ժողովուրդներ են. ТАСС-ի հետ զրույցում ասել է ՀՀ-ում ՌԴ դեսպան Իվան Վոլինկինը` պատասխանելով հարցին, թե արդյո՞ք Հայաստանի և Եվրամիության հարաբերությունները չեն գործի ի վնաս ՌԴ շահերի, ինչպես եղավ հետխորհրդային տարածքի մի շարք երկրներում:

«Մեր երկու երկրները ինտեգրացիոն միավորումների կազմում են` ԵԱՏՄ և ՀԱՊԿ, որոնց նկատմամբ, համապատասխանաբար, ունեն տնտեսական և քաղաքական պարտավորություններ: Ելնելով այդ պարտավորությունների առաջնահերթությունից` բնականաբար, ԵՄ հարաբերությունները կառուցվում են ոչ ի վնաս դրանց, և դա բոլորին շատ լավ հայտնի է»,- ասել է դեսպանը: