Ալիեւի հետ հարաբերությունները վնաս են

Մեծ Բրիտանիայի թագուհին մտավախություն ունի, որ Յորքի հերցոգ Էնդրյուի գործարար հարաբերությունները Ադրբեջանի նախագահ Իլհամ Ալիևի հետ վնաս են հասցնում թագավորական ընտանիքի հեղինակությանը:

Թագաժառանգի եւ Ադրբեջանի նախագահի 6-ամյա «սերտ բիզնես հարաբերությունների» վերաբերյալ բրիտանական The Daily Mail թերթում տպագրված հոդվածից հետո Ելիզավետա Երկրորդն իր մոտ է հրավիրել Էնդրյուին եւ զգուշացրել, որ Իլհամ Ալիևի նման միլիարդատեր դիկտատորների հետ նրա հարաբերությունները «հարվածում են թագավորական ընտանիքի հեղինակությանը, եւ թագաժառանգ Ուիլյամի պսակադրության նախօրեին նման տեղեկությունների հրապարակումը տհաճություն և ցավ են պատճառում իրենց»: