Չեմ կարծում, որ գրական մեծ արժեքներ են ստեղծվում և հասարակությունը չի սպառում դրանք. Սերժ Սարգսյան

Արցախում մշակութային գործիչների հետ հանդիպման ժամանակ ՀՀ նախագահ Սերժ Սարգսյանին հարց հղեց նաև գրականագետ Արքմենիկ Նիկողոսյանը: Նիկողոսյանը նշեց, որ վերջին 25 տարիների ընթացքում մենք ստեղծել ենք գրական արժեքներ, որոնք, ցավոք, չեն իրացվում:

Ըստ Նիկողոսյանի` խոսքը ոչ այնքան վաճառվելու մասին է, որքան այն, որ դրանք չեն դառնում մեր հասարակական, հոգեւոր պահանջմունքի բաղկացուցիչը. «Հայաստանում այսօր հակագրքային մթնոլորտ է, առկա է անարդարություն: Այս խնդիրների լուծումը ինչպե՞ս եք պատկերացնում, մանավանդ, որ առաջիկայում նորից ընտրություններ են»:

Սերժ Սարգսյանը նշեց, որ համամիտ չէ գրականագետի հետ և չի կարծում, որ այսօր մեծ արժեքներ են ստեղծվում և հասարակությունը չի սպառում դրանք.«Դժվարությունները քայլ առ քայլ հաղթահարվում են: Կարծում եմ` քիչ ընթերցելու գլխավոր պատճառը էլեկտրոնային գրքերն են, որոնք հիմա ընթերցողներն ավելի շատ են գերադասում»: