Մարդիկ հիմա քիչ են զբաղվում սպորտով. Հրաչյա Ռոստոմյան

Սպորտի և երիտասարդության հարցերի նախարար Հրաչյա Ռոստոմյանն այսօր տեղի ունեցած մամուլի ասուլիսի ընթացքում խոսեց առաջիկա ծրագրեր մասին.

Ասուլիսի սկզբում նախարարը ցավակցական խոսք հղեց ԱԻՆ նախարար Արմեն Երիցյանի մահվան կապակցությամբ. «Ցավով տեղեկացա ԱԻՆ նախարար Արմեն Երիցյանի մահվան մասին, ով նաև դահուկային սպորտի ֆեդերացիայի նախագահն էր: Մեր ավագ ընկերոջ հետ աշխատել ենք երկար տարիներ: Իմ և մարզաշխարհի անունից ցավակցություն եմ հայտնում իր ընտանիքին և հարազատներին»:

 Անդրարդառնալով առաջիկա ծրագրերին Ռոստոմյանը նշեց. «Սպորտի նախարարությունն ունի մի քանի կարևորագույն  ուղղություններ. մասսայական սպորտը, մարզական կազմակերպություններ և մանկապատանեկան սպորտ, սպորտի բարձրագույն նվաճումներ»:

«Այս օրերի ընթացքում մեզ մոտ կարևորագույն խնդիրներ են ի հայտ եկել: Առաջինը կայանում է նրանում, որ մեծ խնդիրներ ունենք մասսայական սպորտի և առողջ ապրելակերպի հետ: Մարդիկ հիմա շատ քիչ են զբաղվում սպորտով և դա ունի օբյեկտիվ և սուբյեկտիվ պատճառներ: Այդ պատճառով կառավարության հաջորդ տարվա ծրագրի մեջ ներառել ենք 5 ծրագիր, որոնք վստահ ենք, որ կխթանեն մասսայական սպորտի և առողջ ապրելակերպի զարգացմանը:  Ունենալով առողջ սերունդ մենք կունենանք ապահով ապագա: Խնդիր է նաև դպրոցում ֆիզկուլտուրայի ուսուցիչների մոտեցումն այդ առարկային: Լևոն Մկրտչյանի հետ համատեղ հանձնաժողով ենք ստեղծել,  և մինչև տարեվերջ այդ ծրագիր կներկայացվի ֆիզկուլտուրայի ուսուցիչներին»,-ասաց Ռոստոմյանը: