Պետք է հրաժարվել իլյուզիաներից. նորանշանակ վարչապետ

ԱԺ-ում կառավարության հետ հարցուպատասխանի ժամանակ պատգամավորները հարցեր ուղղեցին նորանշանակ Կարեն Կարապետյանին տնտեսության մեջ առկա մի շարք խնդիրների մասին, մասնավորապես` ՀՀԿ խմբակցության պատգամավոր Լևոն Մարտիրոսյանը հարցրեց «Նաիրիտ»-ի վերագործարկման հնարավորության մասին` կա՞ն ներդրողներ, թե՞ ոչ:

Կարեն Կարապետյանը նախ նշեց, որ ծանոթ չէ գործի մանրամասներին, երբ ծանոթանա, կկարողանա պատասխանել հարցին: Սակայն, ըստ նրա, ընդհանուր առմամբ, կա խնդիր, որ ներդրողները գալիս են, խոսում, բայց չունեն 10-15 տարվա էներգետիկ կանխատեսում:

«Ուրեմն պետք է նստենք, թուղթ ու գրիչով խոսենք: Մենք երրորդ, չորրորդ փորձն ենք անում` «Նաիրիտ»-ի հետ կապված, որը բյուջեի համար մեծ թիվ է արժենում: Այնպես որ` նոր փորձը ռիսկային է, բայց եթե լինեն տրամաբանական առաջարկներ` ռիսկերը հաշվարկելով, ուրեմն կարելի է համագործակցել այդ ներդրողի հետ: Ես կծանոթանամ գործի հետ, ըստ դրա` կներկայացնեմ»,- ասաց վարչապետը՝ հավելելով, որ ներդրողները «պետք է հրաժարվեն իլյուզիաներից»: