Արցախի հետ ռազմական փոխօգնության պայմանագիրը մշակման փուլում է. Տիգրան Բալայան

Ապրիլի 1-4-ը, երբ Ադրբեջանը սանձազերծել էր ռազմական գործողություններ ու վայրագություններ Արցախի դեմ, նախագահ Սերժ Սարգսյանը ապրիլի 4-ին ԵԱՀԿ երկրների դեսպանների հետ հանդիպման ժամանակ հանձնարարել էր  ՀՀ արտաքին գործերի նախարարությանը՝ աշխատել Ղարաբաղի հետ ռազմական փոխօգնության պայմանագիր կնքելու ուղղությամբ: Այսօր` լրագրողների հետ հանդիպման ժամանակ, ՀՅԴ Բյուրոյի Հայ Դատի և քաղաքական հարցերի գրասենյակի պատասխանատու Կիրո Մանոյանը համոզմունք էր հայտնել, որ վայրկյան առաջ անհրաժեշտ է ստորագրել այդ պայմանագիրը,  որպեսզի ավելի հեշտ լինի աշխատանք տանել ԼՂՀ միջազգային ճանաչման ուղղությամբ:

Yerkir.am-ի հետ զրույցում ԱԳՆ մամուլի խոսնակ Տիգրան Բալայանը հայտնեց, որ այդ պայմանագիրը մշակման փուլում է: