Էն պրոցեսներում, որտեղ ես եմ, չի կարող արյուն հեղվել. Փաշինյանը հեռացավ հարթակից

Խորենացի փողոցում իր ելույթի ժամանակ ՔՊ կուսակցության քաղխորհրդի անդամ, պատգամավոր Նիկոլ Փաշինյանը հայտարարեց, որ հեռանում է հարթակից, քանի որ այլեսւ նպատակահարմրն չի համարում ղեկավարել կամ առաջնորդել գործընթացները: 

«Վարուժան Սուքիասյանն ասում է, որ Նիկոլ Փաշինյանն արյան վրա իր ձեռքերն է տաքացնում: Մարդիկ որ ամսի 20-ին ուզում էին արյուն հեղվեր, ինչի՞ համար, որ ես այդ արյան վրա ձե՞ռք տաքացնեմ: Ես ստացել եմ նամակներ, զանգեր, տեղի է ունեցել ստորագրավահավաք` պահանջել են, որ ես գամ այստեղ: Եւ ես  չէի կարող գալ այստեղ` արձանագրելու համար քաղաքացիական պայքարի մահը, մենք պիտի գայինք այնպես, որ այդ քաղաքացիական պայքարը վերածնունդ արձանագրեր եւ մենք երեկ դա արձանագրեցինք: Սակայն ժողովրդի կամարտահայտությունը պետք է լինի հստակ: ... Այսօրվա հայտարարություններից հետո իմ այստեղ գտնվելը դառնում է անհնարին: Որովհետեւ չեմ կարող գալ եւ  ասել` ոչինչ թող 100 մարդ զոհվի: Էն պրոցեսներում, որտեղ ես եմ, չի կարող արյուն հեղվել: 

Փաշինյանը հայտարարեց, որ այսօրվա գործընթացներից հետո հարթակային բոլոր լիազորությունները հանձնելու է Ենիգոմշյանին ու մյուս նախաձեռնող խմբին: