Ազատության հրապարակի հարթակից ղարաբաղցիներին կոչ են անում լքել Երեւանը

Երևանի «Ազատության» հրապարակում այսօր կայացավ  «Սասնա ծռեր» շարժման քաղաքական խորհրդի հրավիրված հանրահավաքը, որի ընթացքում նախատեսվում է ներկայացնել քաղաքական իրավիճակը և շարժման քաղաքական խորհրդի դիրքորոշումները։ 

Բազմաթիվ ելույթների թվում ելույթ ունեցավ նաեւ Գայանե Գասպարյանը: Նա նախ հայտարարեց, որ հրապարակում հավաքվեն ոչ թե ամեն ուրբաթ, այլ ամեն օր, ապա կոչով դիմեց ղարաբաղցիներին: 

«Հարգելի ղարաբաղցիներ, մեծից փոքր, կոչ եմ անում, թասիբ ունեցեք, լքեք Երեւանը եւ գնացեք Ղարաբաղ: Երկու մեծ գործ կանեք»:

Հարթակի մյուս կանգնածները փորձեցին միջամտել, խնդրեցին դադարեցնել ելույթը, բայց Գասպարյանը անդրդվելի մնաց եւ շարունակեց իր ելույթը:

Նշենք, որ հանրահավաքից հետո մեկնարկեց երթ` վիրավոր «Սասնա ծռերին» պատշաճ բժշկական օգնություն ցույց տալու պահանջով։