Ավագանու ՀՀԿ-ական անդամը ձերբակալվել է Երրորդմասցի Լյովիկի գործո՞վ. Armlur.am

Արդեն հայտնել ենք, որ երեկ ոստիկանությունն ու ԱԱԾ-ն օպերատիվ միջոցառումների արդյունքում տասնյակից ավելի խուզարկություններ են կատարել և նույնքան անձանց բերման ենթարկել Ավան-Առինջում: Մեր տեղեկություններով` երեկ 5 անձ է ձերբակալվել:

Armlur.am-ին հասած տեղեկություններով` ձերբակալվել են եղբայրներ Սուրեն, Կարեն և Արմեն Երեմյանները: Ըստ կայքի` վերջինս Երևանի ավագանու ՀՀԿ-ական անդամ է, Ավանի «Նոր Զովք» սուպերմարկետների տարածքի սեփականատերը։ Եղբայրները բավական մտերիմ հարաբերությունների մեջ են Երրորդմասցի Լյովիկի սպանության համար հետախուզվող քրեական հեղինակություն Գաստիկի հետ։

Նշենք, որ Արմեն Երեմյանը ՀՀԿ անդամ է 1999թ-ից, իսկ 2013թ. մայիսի 5-ին ՀՀԿ համամասնական ցուցակով ընտրվել է Երևան քաղաքի ավագանու անդամ: