Զինվորների սերմնաբջիջների բանկ ստեղծելու նախաձեռնությունը մերժվեց

Կառավարության այսօրվա նիստում ներկայացվեց «Ժառանգություն» խմբակցության պատգամավոր Թևան Պողոսանի ներկայացրած նախագծի վերաբերյալ եզրակացությունը: Պատգամավորն առաջարկում էր, որ պետությունը երաշխավորի 18 տարին լրացած` պարտադիր զինվորական ծառայության զինակոչվող քաղաքացիների սերմնաբջիջների պահպանությունը՝ այդ նպատակով ստեղծելով համապատասխան բանկ:

Կառավարությունը մերժեց նախագիծը` հիմնավորելով, թե սեռաբջիջների պահպանության բանկի գործունեության, ֆինանսավորման և կարգավիճակի հետ կապված հարաբերությունները հակասում են «Իրավական ակտերի մասին» Հայաստանի Հանրապետության օրենքի 37-րդ հոդվածի 7-րդ մասի պահանջներին: Կառավարությունը նաև էթիկական նորմերի հետ կապված խնդիր է տեսնում: