Հանրապետականն արդեն երրորդ անգամ կտապալի Մարտի 1-ի հանձնաժողով ստեղծելու նախաձեռնությունը

«Հայկական ժամանակ»-ը գրում է. «Հանրապետական խմբակցությունը «դեմ» է քվեարկելու Մարտի 1-ի Աժ ժամանակավոր հանձնաժողով ստեղծելու մասին Հայ ազգային կոնգրեսի ներկայացրած օրինագծին, որի քննարկումը խորհրդարանը սկսեց երեկ և կշարունակի այսօր: Այս մասին երեկ «Հժ» թղթակցին ասել է Աժ խմբակցության քարտուղար Հովհաննես Սահակյանը։

Այսպիսով, Հանրապետականն արդեն երրորդ անգամ կտապալի Հայ ազգային կոնգրեսի այս նախաձեռնությունը, որին ի սկզբանե հրապարակավ խոստացել էր աջակցել։ «Այն հարցերին, որոնք բարձրացվում են ընդամենը ժամանակի և պահի ազդեցության տակ, որպեսզի այդ ժամանակահատվածում որոշակի քաղաքական դիվիդենտներ վերցնեն, մենք դեմ ենք, որովհետև, հիշելով այդ ողբերգական իրադարձությունները՝ մենք փորձում ենք դասեր քաղել և որևէ կերպ թույլ չենք տա՝ որևէ քաղաքական ուժ դա շահարկի իր քաղաքական շահերը սպասարկելու համար»,– ասել է ՀՀԿ խմբակցության քարտուղարը»:

Մանրամասները՝ թերթի այսօրվա համարում։