Իզմիրի նահանգապետարանը չի թույլատրել Հայոց ցեղասպանության հիշատակման միջոցառում անցկացնել

Թուրքիայի Իզմիրի նահանգապետարանը (պատմական Զմյուռնիա) չի թույլատրել համանուն քաղաքում Հայոց ցեղասպանության  101-րդ տարելիցին զոհերի ոգեկոչման արարողություն անցկացնել. տեղեկացնում է Ermenihaber-ը:

Թուրքական ընդդիմադիր Demokrathaber լրատվամիջոցը հայտնում է, որ միջոցառումը նախաձեռնել էին «Ո'չ ասա ռասիզմին և ազգայնամոլությանը» պլատֆորմի  անդամները: 

Իզմիրի նահանգապետարանը պատճառաբանել է, թե միջոցառումն արգելվել է անվտանգության նկատառումներով: Ոստիկանները  պլատֆորմի անդամներին  չեն թույլատրել մուտք գործել Իզմիրի Ալսանաջաք Քիբրիս Շեհիթլեր պողոտա: Նրանց սպառնացել են, որ անհնազանդության դեպքում կմիջամտեն ոստիկանական ուժերը: