Ադրբեջանական զինուժն ավերածություններ է հասցրել Մարտակերտ քաղաքին

Վիրավորներ չկան, հիվանդանոցն էլ չի վնասվել արկակոծությունից. Yerkir.am-ին հայտնեց ԼՂՀ Մարտակերտ քաղաքի շրջանային հիվանդանոցի տնօրեն Գագիկ Օհանյանը: Նշենք, որ անցած գիշեր ադրբեջանական կողմի արկակոծության հետևանքով Մարտակերտում ավերածություններ են եղել:

«Առավել ակտիվ և տարբեր ուղղություններով կրակոցներ են հնչել, ու արկակոծություն է եղել մինչև 4:30-ը: Բնակիչները ապաստարաններ են գնացել, պատսպարվել են: Այս պահին հանգիստ է իրավիճակը»,- ասաց հիվանդանոցի տնօրենը:

Ըստ նրա` ադրբեջանցիների ռազմական գործողությունների հետևանքով ավերվել են բազմաթիվ տներ, փլվել տանիքներ, կոտրվել ապակիներ: Օհանյանի խոսքով` այս պահին դժվար է վնասների կոնկրետ չափի մասին խոսել: