ԲՀԿ-ական պատգամավորը բացատրում է, թե ինչպես պետք է գործի կառավարությունը

Այսօր ԱԺ հայտարարությունների ժամին ԲՀԿ խմբակցության պատգամավոր Միքայել Մելքումյանն անդրադարձավ գյուղատնտեսական վարկերին` ասելով, որ կառավարությունը պետք է գործուն միջոցառումներ ձեռնարկի այդ վարկերի բեռը թեթևացնելու համար: Ըստ պատգամավորի` պետք է պարզել` տույժ ու տուգանքնե՞րն են այդ բեռի պատճառը, թե՞ կառավարության ստեղծած միջավայրը:

«Կառավարությունը պետք է ձեռք մեկնի գյուղացիներին, որովհետև բանկերը մասնավոր են, բարդ է նրանց միջամտել այս գործում, բայց կառավարությունը պետք է հետաձգի այդ վարկերն ու թեթևացնի գյուղացիների վրա դրված բեռը»,- ասաց Միքայել Մելքումյանը: Պատգամավորը եզրակացնում է, որ պետական աջակցություն պետք է լինի, և դա պետք է արվի օրենքների ձևով, ոչ թե կառավարությունը ժամանակ առ ժամանակ մտածի՝ աջակցի՞, թե՞ չաջակցի:

Հիշեցնենք, որ երեկվանից ԲՀԿ-ն ռազմավարություն է փոխել, մասնավորապես` Միքայել Մելքումյանը սկսել է քննադատել կառավարությանը: