Ի՞նչ է նվիրում Փոստանջյանը սկեսուրին

ԱԺ «Ժառանգություն» խմբակցության պատգամավոր Զարուհի Փոստանջյանը Yerkir.am-ի հետ զրույցում նշեց, որ Կանանց տոնին ինքն ամենից շատ սիրում է ստանալ ծաղիկներ: «Ինձ համար տպավորիչ է անընդհատ ծաղիկներ ստանալը, այլ նվերներ չեմ ստանում, որ կարող եմ հիշատակել: Ամենակարևոր նվերները կնոջ համար, կարծում եմ, ծաղիկներն են»,- ասաց նա` հավելելով, որ ծաղիկներ նվիրելը ևս առանձնահատուկ մոտեցում է համարում:

Փոստանջյանը նշեց նաև, որ ինքն իր չորս աղջիկների համար նվերներ չի պատրաստում, փոխարենը հպարտանում է իր դուստրերի մատուցած նվերներով ու անձամբ էլ սիրում է իր և ամուսնու մայրիկների համար տոնական նվերներ պատրաստել: «Ծաղիկներ եմ սիրում նվիրել, դա պարտադիր է, և հետո արդեն կից ինչ-որ բան: Սկեսուրիս նվիրում եմ նաև խնամքի պարագաներ»,- ասաց պատգամավորը:

Ի դեպ, նա հիշեց իր մի նվեր` իր մեծ աղջկա կողմից, որով շատ տպավորված է եղել: «Մեծ աղջկաս կողմից մանկապարտեզի բացիկն եմ հիշում, որ ինքն իր ձեռքով էր նկարել: Դա ինձ համար շատ հետաքրքիր էր: Երբ առաջին երեխադ քեզ բացիկ է նվիրում, շատ տտպավորիչ է»,- ասաց նա:

Փոստանջյանը նշեց նաև, որ իր գործընկերների կողմից էլ ստանում է միայն ու միայն ծաղիկներ: