Բունդեսթագում հետաձգվել է Հայոց ցեղասպանության մասին բանաձևի քվեարկությունը

Գերմանիայի դաշնային խորհրդարանում հետաձգվել է Հայոց ցեղասպանության ճանաչման բանաձևի քննարկումը: Թուրքական ensonhaber.com լրատվակայքի տեղեկացմամբ՝ բանաձևը պատրաստած Կանաչների կուսակցությունը (Dile Grüne) որոշում է կայացրել բանաձևը քվեարկության չդնելու մասին:  Հայոց ցեղասպանության ճանաչման բանաձևը կրկին Բունդեսթագի օրակարգ կբերվի ապրիլին. տեղեկացնում է Ermenihaber-ը:

Փաստաթղթի քվեարկության հետաձգման մասին հայտարարել է Կանաչների կուսակցության համանախագահ Ջեմ Օզդեմիրը: Ենթադրվում է, որ նման որոշման պատճառ  է դարձել այն հանգամանքը, որ դաշնային խորհրդարանում իշխող Քրիստոնեա- դեմոկրատական միություն, Քրիստոնեա-սոցիալիստական միություն  և Սոցիալ-դեմոկրատական կուսակցությունները, ամենայն հավանականությամբ, այս փուլում չեն աջակցի Ցեղասպանության ճանաչման բանաձևին՝ փախստականների ճգնաժամի շրջանակներում Թուրքիայի հետ բանակցությունները չձախողելու մտավախությունից ելնելով: