«Բագրատաշեն» անցակետի շինարարական աշխատանքների համար գումար կհատկացվի

Կառավարության վաղվա օրակարգում ներառված է որոշում՝ սահմանային անվտանգության և պետական սահմանի համալիր կառավարման ապահովմանն ուղղված 2011-2015 թվականների միջոցառումների ծրագրին համապատասխան` «Բագրատաշեն» պետական սահմանի անցման կետի շինարարական աշխատանքների իրականացման համար Տավուշի մարզի Բագրատաշենի գյուղական համայնքի ֆիզիկական և իրավաբանական անձանց սեփականությունը հանդիսացող անշարժ գույքի օտարման նպատակով՝ 2016 թվականի պետական բյուջեով նախատեսված կառավարության պահուստային ֆոնդի հաշվին Տավուշի մարզպետարանին 2016 թվականի առաջին եռամսյակում հատկացնել 486 հազար դրամ:

Կառավարության որոշման նախագծի ընդունմամբ կիրականացվի ՀՀ Տավուշի մարզի Բագրատաշեն համայնքի վարչական տարածքում գտնվող պետական սահմանի «Բագրատաշեն» անցման կետի արդիականացման ծրագրի իրականացմա նպատակով բացառիկ գերակա շահ ճանաչված համայնքի վարչական սահմաններում գտնվող տարբեր նպատակային նշանակության  7.945 հեկտար հողամասերի նկատմամբ, նիրավունքների պետական գրանցումը և հողամասերի նպատակային նշանակության փոփոխությունից հետո մշտական օգտագործման իրավունքով ՀՀ ֆինանսների նախարարությանը հանձնումը: