Ախթալայի թիվ 2 միջնակարգ դպրոցի հիմնանորոգման համար գումար կհատկացվի

Այսօր կառավարության նիստում տարածքային կառավարման և զարգացման նախարար Դավիթ Լոքյանը ներկայացրեց պետական բյուջեից գումար հատկացնելու մասին մի որոշում. ՀՀ Լոռու մարզպետարանին հատկացված միջոցների շրջանակում նախատեսված` Ախթալա համայնքի մշակույթի տան շենքի գնման նպատակով գումարը համայնքին փաստացի ֆինանսավորվել և չի ծախսվել:

Նախագծով առաջարկվում է չծախսված գումարի սուբվենցիայի նպատակը փոխել և այն հատկացնել Հայաստանի տարածքային զարգացման հիմնադրամի ծրագրի շրջանակներում Ախթալայի թիվ 2 միջնակարգ դպրոցի հիմնանորոգման համար համայնքի կողմից համաֆինանսավորման պարտավորությունների կատարմանը:

Կարգավորման նպատակն է ՀՀ մարզերում իրականացնել կապիտալ և այլ բնույթի ծրագրեր, որոնց արդյունքում լուծում կտրվի բնակչության և համայնքների սոցիալական նշանակություն ունեցող հիմնախնդիրներին: