Գործ չեմ ճարել, դրա համար էլ ստեղ նստած եմ. Գալուստ Սահակյան

ԱԺ քառօրյայում քննարկվում է ճանապարհային վարկ վերցնելու մասին համաձայնագիրը, որը նպատակ ունի թոթափել Երևանի ճանապարհային ծանրաբեռնվածությունը:

Ելույթ ունեցավ ՀԱԿ խմբակցության պատգամավոր Հրանտ Բագրատյանը: Նա փորձում էր ապացուցել, թե որքան անարդյունավետ են ծախսվում վերցված վարկերը:

Նրա ելույթից հետո ԱԺ նախագահ Գալուստ Սահակյանն արձագանքեց. «Ե\'վ լսելն էր հեշտ, և\' կռահելը: Մենակ թե անձերն էնպիսին են, որ շատ հետո են գլխի ընկնում»:

Հրանտ Բագրատյանն էլ տեղից  ասաց. «Գնա գործիդ, է»:

«Ինձ ասացի՞ք՝ գնա գործի՞դ: Ես գործ չեմ ճարել, դրա համար էլ ստեղ նստած եմ, ի՞նչ ես ուզում ինձանից»,- պատասխանեց Գալուստ Սահակյանը: