Գրականության Նոբելը` բելառուս գրողին

Գրականության Նոբելյան մրցանակակիրն այս տարի կստանա  բելառուս գրող եւ լրագրող  Սվետլանա Ալեքսիեւիչը

Ի դեպ, սա Բելառուսի առաջին Նոբելյան մրցանակն է:  Մրցանակը Ալեքսիեւիչին հանձնելու որոշման մեջ գրված է, որ Ալեքսիեւիչի արվեստը տարբերվում է  «բազմաձայն արձակով, որը մեր ժամանակներում տառապանքի ու հերոսականության հուշարձան է»:

Սվետլանա Ալեքսիեւիչը Նոբելյան մրցանակի թեկնածու էր դեռ 2013 թվականին:

Նրա ամենահայտնի ստեղծագործություններն են` «Պատերազմը ոչ կանացի դեմք ունի», «Ցինկե տղաներ», «Չեռնոբիլյան աղոթք»: Ալեքսիեւիչը  14-րդ կինն է, որ Նոբելյան մրցանակ է ստանում:

Ուշագրավ է, որ գրողը ստեղծագործում է ռուսերեն, նրա գրքերը երբեւէ Բելառուսում չեն հրապարակվել: