Հովհաննես Թոքմաջյանի անվան հետ կապված սեքս-սկանդալի գործի քննությունը կասեցվել է

Պոլիտեխնիկի նախկին ռեկտոր Հովհաննես Թոքմաջյանի անվան հետ կապված սեքս-սկանդալի գործի քննությունը կասեցվել է: Այս մասին yerkir.am-ի հետ զրույցում հայտնեց բուհի նախկին տեղեկատվական և հեռահաղորդակցական տեխնոլոգիաների վարչության նախկին պետ Վլադիմիր Խոեցյանը:

Նա նշեց նաև, որ փորձաքննության համար իրենից վերցված` անձնական և գործնական համակարգիչներն արդեն հետ են վերադարձրելն: «Փորձաքննությունն ավարտվել է, մեր համակարգիչները հետ են վերադարձրել: Ինձ և մեր բաժնի աշխատակից Վահե Կիրակոսյանին այլևս չեն անհանգստացրել: Կարծում եմ` ամեն ինչ պարզ է դարձել»,- ասաց Խոեցյանը:

Հիշեցնենք, որ, բացի այդ, Խոեցյանը դիմել էր դատարան իրեն աշխատանքից անհիմն ազատելու վերաբերյալ հայցով` պահանջելով վերականգնել նույն պաշտոնում: Առաջին ատյանի դատարանում հայցը մերժվել էր, Խոեցյանը դիմել է Վերաքննիչ դատարան: