Թոքմաջյանի «սեքս սկանդալի» գործով քրեական գործ դեռևս չի հարուցվել

Օրեր առաջ կայքերից մեկում հրապարակվել էին իբր ՀՊՃՀ ռեկտոր Հովհաննես Թոքմաջյանի ֆեյսբուքյան նամակներից հատվածներ, որոնց համաձայն` նրա և բուհի վարչության պետերից մեկի` Ռուզաննա Հայրապետյանի միջև սեքսուալ կապ կա: Այս նամակներում անդրադարձ կա նաև ՀՀ ԿԳ նախարար Արմեն Աշոտյանին, որի հասցեին անվայել խոսքեր են ասվում:

Սակայն հրապարակումից որոշ ժամանկ անց ռեկտոր Հ. Թոքմաջյանը հայտարարեց, որ իր ֆեյսբուքյան էջը կոտրել են, և այդ նամակագրությունը սարքելու պահին ինքն օնլայն չի եղել: Նաեւ` որ նման արարքը կատարողին հայտնաբերելու համար դիմել է ոստիկանություն:  

Քիչ առաջ Yerkir.am-ին ոստիկանության լրատվության վարչությունից հայտնեցին, որ այդ գործով դեռևս շարունակվում է հետաքննությունը, քրեական գործ չի հարուցվել: