Բագրատյանի հետ չէինք գժտվել, որ հաշտվեինք. Բաբուխանյան

Արդեն տեղեկացրել ենք, որ երեկ խորհրդարանում սահմանադրական բարեփոխումների վերաբերյալ քննարկումների ընթացքում միջադեպ էր տեղի ունեցել ՀՀԿ խմբակցության պատգամավոր Հայկ Բաբուխանյանի և ՀԱԿ խմբակցության պատգամավոր Հրանտ Բագրատյանի միջև:  Բաբուխանյանը Հրանտ Բագրատյանին մասնավորապես ասել էր .«Ձեր ելույթի ժամանակը կգա, կխոսեք, իսկ հիմա տեղդ նստի»: Հրանտ Բագրատյանը դրանից վրդովվել էր և հայտարարել. «Հլը արի ստեղ, արի դուրս գանք, տենամ` ի՞նչ ա ասածդ»:

Այսօր խորհրդարանում Հայկ Բաբուխանյանը լրագրողներին ասաց, որ իր և Բագրատյանի հարաբերությունները սրված չեն: «Սրված չեն մեր հարաբերությունները: Մենք չէինք գժտվել, որ մի հատ էլ հաշտվեինք: Դա աշխատանքային առօրյա է»,- ասաց նա: