Հայկ Կյուրեղյանը դատապարտվեց 9 տարվա ազատազրկման

Քիչ առաջ Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Արմեն Բեկթաշյանը հրապարակեց Հայկ Կյուրեղյանի գործով դատավճիռը: Նա վճռեց Հայկ Կյուրեղյանին մեղավոր ճանաչել առաջադրված երկու հոդվածներով էլ և դատապարտել ազատազրկման` 9 տարի ժամկետով:

Դատարանը վճռեց նաև բավարարել տուժող Քրիստինե Սարդարյանի քաղհայցը և Կյուրեղյանից հօգուտ նրա բռնագանձել 284 հազար դրամ: Նախքան վճռի հրապարակումը`դատավորը ամբաստանյալ Կյուրեղյանին դուրս հրավիրվեց դատարանին չհարգելու և ոտքի չկանգնելու համար:

Հիշեցնենք, որ մեղադրող դատախազը Կյուրեղյանի համար պահանջել էր 14 տարվա ազատազրկում:

Հայկ Կյուրեղյանն առաջադրված մեղադրանքում իրեն մեղավոր չճանաչեց: Նրան մեղադրանք է առաջադրվել երկու հոդվածով՝ ՀՀ քրեական օրենսգրքի 258-րդ հոդվածի 4-րդ մաս՝ խուլիգանություն, և ՀՀ քրեական օրենսգրքի 316-րդ հոդվածի 2-րդ մաս՝ իշխանության ներկայացուցչի նկատմամբ բռնություն գործադրելը: