Տղաները լավ են պատրաստվել աշխարհի առաջնությանը. Լևոն Ջուլֆալակյան (տեսանյութ)

Հունահռոմեական ոճի ըմբաշամարտի Հայաստանի հավաքականը շարունակում է նախապատրաստվել սեպտեմբերի 7-12-ը Լաս Վեգասում կայանալիք աշխարհի առաջնությանը: Այսօր հավաքականը բաց մարզում անցկացրեց, որի ընթացքում լրագրողների հարցերին պատասխանեց հավաքականի գլխավոր մարզիչ Լևոն Ջուլֆալակյանը:  

«Հավաքականն անցել է բոլոր պլանավորած ուսումնամարզական հավաքներն ու մարզումները:  Սեպտեմբերի 6-10-ը պայքարի մեջ են լինելու հունահռոմեականները, որտեղ խաղարկվելու են նաև օլիմպիական խաղերի վարկանիշներ: Ամեն քաշային կարգում 6 մարզիկներ են ձեռք բերելու: Փորձելու ենք շատ վարկանիշներ ձեռք բերել և պայքարելու ենք մեդալների համար: Չեմ ուզում ժամանակից առաջ անցնել, մրցումները ցույց կտան: Ամենակարևորը, որ տղաները լավ պատրաստվել են, մնում է նրանք գորգի վրա ցույց տան իրենց հնարավորությունները»,- ասաց Ջուլֆալակյանը:

Մանրամասները` Yerkir.am-ի տեսանյութում