Շարժումն այս ձևով մարում է. գուսան Հայկազուն

Գուսան Հայկազունին շատ է ուրախացնում այն, ինչ տեղի է ունենում Բաղրամյան պողոտայում, սա նրան հիշեցնում են 1988-ի իրադարձությունները:

Այսօր լրագրողների հետ զրույցում նա ասաց, որ երիտասարդներն ըմբոստ առյուծներ են իրեն հիշեցնում: «Ընդդիմություն գոյություն չունի, ավագ սերունդը ձեռքերը լվացել է, և ամեն ինչ մնացել է էս երեխաների հույսին: Ափսոսում եմ նրանց կոտրելը, ջարդելը, եթե դրական ելք էլ չունենա, ապա սա արդեն զարթոնք է»,- ասաց գուսան Հայկազունը:

Ըստ նրա` ըմբոստություն պետք է լինի, քանի որ տունը հանգիստ ոչ ոք չի կառուցում: «Շարժումն այս ձևով մարում է, նրանք պետք է նոր մարտավարություն մշակեն, և եթե նրանց այդ «Մեկ քայլ առաջ»-ն էլ չլիներ, ընդհանրապես կմարեր այն»,- ասաց գուսանը: