Աշտարակում ակտիվիստների՞ են բերման ենթարկել

Արդեն հայտնել ենք,  որ երեկ էլեկտրաէներգիայի սակագնի բարձրացման դեմ բողոքի ակցիաներ են իրականացվել hանրապետության տարբեր քաղաքներում: Այսօր Բաղրամյան պողոտայում նստացույց իրականացնող` «Ոչ թալանին» նախաձեռնության անդամները հայտնեցին, որ  Աշտարակ քաղաքում բերման են ենթարկվել երեկվա բողոքի ակցիային մասնակցած 2 քաղաքացի՝  Տիրայր Գյուրջինյանը եւ Հայկ Հակոբյանը:

Yerkir.am-ի հետ զրույցում,  սակայն, ոստիկանությունից հայտնեցին, որ նման բան չկա, և որ տեղեկությունը չի համապատասխանում իրականությանը:

Հիշեցնենք, որ երեկ բողոքի ակցիա էր կազմակերպվել նաև Կապանում, որը Սյունիքի մարզպետ Սուրիկ Խաչատրյանը ցրել էր, սակայն ավելի ուշ ակտիվիստները կրկին հավաքվել էին և քաղաքապատարանի հարակից այգում պրոյեկտորով հետեւել Բաղրամյան փողոցի իրադարձություններին: