Ադրբեջանում ակտիվիստների ձերբակալություններն անհիմն են. HRW

Ադրբեջանում քաղաքացիական ակտիվիստներ Թոֆիկ Յաղուբլուի և Իլհար Մամեդովի` Եվրոպայի խորհրդի քաղաքական գիտությունների դպրոցի տնօրենի ձերբակալությունների վերաբերյալ իր կարծիքն է հայտնել նաև Human Rights Watch հեղինակավոր կազմակերպությունը:

Ըստ Contact.az-ի` կազմակերպությունն իր մտահոգությունն է հայտնում այդ ձերբակալությունների կապակցությամբ: Human Rights Watch-ը նշում է, որ ցավում է այն բանի համար, որ Իսմայիլըում տեղի ունեցած անկարգությունների հետեւանքով` իշխանությունների ամենավառ քննադատ այս մարդկանց ձերբակալություններն ուղղված են նրանց լռեցնելուն:

Human Rights Watch-ը կոչ է արել Ադրբեջանի իշխանություններին` ազատ արձակել ակտիվիստներին և հիմնավորել նրանց մեղքը: