Գևորգ Կոստանյանը սխալ է համարում Սուրիկ Խաչատրյանի դեմ մահափորձի վերաբերյալ եզրահանգումներ անելը

Այսօր լրագրողները գլխավոր դատախազ Գևորգ Կոստանյանին հարց ուղղեցինՍուրիկ Խաչատրյանի մեքենայի վրա կրակահերթ բացելու դեպքի մասին: Լրագրողները հետաքրքրվեցին՝արդյո՞ք այդ փաստը չի վկայում, որ երկրում արդարադատությունը չի գործում, և մարդիկ ստիպված իրենք իրենց ձեռքն են վերցնում արդարադատության իրականացումը:

Գևորգ Կոստանյանի խոսքով՝ ցանկացած հանցագործության քրեական գործի ընթացքի վերաբերյալ նման եզրահանգումները հանգեցնում են դատավարության մասնակիցների իրավունքների խախտմանը:

«Քննությունը դեռևս իրականացված և ավարտված չէ, բայց արդեն հետևություն է արվում, որ չեն վստահել արդարադատությանը, դրա համար էլ դիմել են այդ քայլին: Եթե արդարադատությունը դեռևս ընթացքի մեջ է, ենթադրություններ ու հետևություններ եկեք չանենք»,- ասաց գլխավորդատախազը: