Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
10 րոպե առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
26 րոպե առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
40 րոպե առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
50 րոպե առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
1 ժամ առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
1 ժամ առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
1 ժամ առաջ Հասարակություն
Ուկրաինան Կանադայից կստանա NASAMS հակաօդային պաշտպանության համակարգը
16 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
17 ժամ առաջ Քաղաքական
Միջազգային քրեական դատարանը Բենիամին Նեթանյահուին և Յոավ Գալանտին ձերբակալության օրդեր է տվել
18 ժամ առաջ Աշխարհ

0 դիտում,

9 տարի առաջ - 2015-05-28 14:51

Իրավական

Գևորգ Կոստանյանը լսե՞լ է Սուրիկ Խաչատրյանի մերձավորների հեռախոսազանգերի գաղտնալսումները

Բուդաղյանների պաշտպան Հայկ Ալումյանն այսօր լրագրողներ հետ հանդիպման ժամանակ անդրադարձավ գլխավոր դատախազ Գևորգ Կոստանյանի՝ ԱԺ-ում արած այն հայտարարությանը, թե Բուդաղյանների գործով Սուրիկ Խաչատրյանի երեք մերձավորներին գաղտնալսելը գործի համար էական նշանակություն չի ունեցել:

Պաշտպանը նախ հիշեցրեց, որ ԱԱԾ-ն դեռ 2013-ի հունիսի 14-ին դատարանի որոշում էր ստացել՝ գաղտնալսել և ձայրանգրել Սուրիկ Խաչատրյանի երեք մերձավորների հեռախոսահամարների մուտքային և ելքային զանգերի բովանդակությունը, սակայն հետագայում այդ նյութը քրեական գործից անհետացել էր, փոխարենը գործի նյութերում էր հայտնվել տեղեկանք այն մասին, թե իբր ԱԱԾ-ն տեխնիկական միջոցներ չի ունեցել` դրանք գաղտնալսելու համար:

Ի պատասխան այս կապակցությամբ արված` ԱԺ պատգամավոր Նիկոլ Փաշինյանի հարցի, գլխավոր դատախազն ասել էր. «Այո, ԱԱԾ-ն հայտնել է, որ այդ երեքին գաղտնալսելու տեխնիկական հնարավորություն չի ունեցել, բայց վստահ եմ, որ դրա համար կան պատշաճ հիմնավորումներ: Գործով ձեռք բերված ամբողջ ապացուցողական բազան հիմնավորել է դեպքերի հաջորդականությունն ու մասնակիցներից յուրաքանչյուրի գործողությունները, և այդ գաղտնալսումները կապել գործի ելքի հետ, ճիշտ չէ»:

Փաստաբանը նշեց, որ գլխավոր դատախազի պատճառաբանությունն անտրամաբանական է, քանի որ դատարանը համարել էր, որ դրանք գործի համար էական նշանակություն կարող են ունենալ, դրա համար էլ դիմել էր ԱԱԾ-ին:

«Միգուցե ինքը լսել է այդ նյութերը, դրա համար ասում է` նշանակություն չունեն: Կարծում եմ, որ այդ նյութերը սկզբում եղել են, հետո՝ հանվել: Եթե այդ նյութն իրականում նշանակություն չունենար, կարիք չէր լինի կեղծիքների միջոցով դրանք գործից հանել, այդտեղ, հավանաբար, դեպքի վերաբերյալ խոսակցություններ են եղել»,-ասաց նա:

Նշենք, որ Բուդաղյանների գործը ներկայումս քննվում է երեք տարբեր ատյաններում: Մասնավորապես` Սյունիքի մարզի ընդհանուր իրավասության դատարանում բուն՝ Արտակ Բուդաղյանի վերաբերյալ քրեական գործն է, Արաբկիր և Քանաքեռ-Զեյթուն վարչական շրջանների ընդհանուր իրավասության դատարանում քննվում է Ալումյանի բողոքների հիման վրա գործը, և մեկն էլ արդեն հասել է Եվրադատարան: Հայկ Ալումյանը նշեց, որ Սյունքում քննվող գործով բազմաթիվ հիմնավոր խախտումներ և կեղծիքներ են հայտնաբերվել, ինչի կապակցությամբ քննիչներ են հրավիրվել և հարցաքննվել:

Նա նաև հայտնեց, որ գործը քննած քննիչններից երկուսը ներկայումս դատախազությունում տարբեր պաշտոններ են զբաղեցնում: