Ադրբեջանը գոյատևում է հայերի հանդեպ ատելության շնորհիվ. ադրբեջանցի գրող

Ադրբեջանցի գրող Էդուարդ Բաղիրովը Pravda.ru-ի հետ զրույցում պատմել է՝ ինչու է ինքը որոշել բացահայտ ընդունել Հայոց ցեղասպանությունը, և արդյո՞ք իրեն թշնամի և դավաճան չեն համարում Ադրբեջանում։

«Ես ժամանակին եղել եմ Համառուսաստանյան ադրբեջանական կոնգրեսի անդամ և Ադրբեջանի գրողների միության պատվավոր անդամ։ Ինձ համար դա հետաքրքիր էր։ Սակայն, երբ  հասկացա՝ այնտեղ ինչպիսի բացարձակ իռացիոնալ, վայրենի, ոչ մարդկային ատելություն կա հայերի հանդեպ, նույնիսկ, կարծես, ամենախելացի և կրթված մարդկանց մոտ, ես հեռացա։ Երկու տարի առաջ ես իմ բլոգում գրել եմ, որ ցավակցություն եմ հայտնում հայ ժողովրդին ամբողջ մոսկվայաբնակ ադեկվատ ադրբեջանցիների անունից։ Ինչից հետ կատաղի սկանդալ սկսվեց»,- պատմել է Բաղիրովը։

Pravda.ru-ի  հարցին՝ ինչպե՞ս են Ադրբեջանում հասարակ քաղաքացիները վերաբերվում այդ փաստին, նա ասել է հետևյալը. «Բաքվում մտավորականությունը, ցավոք, նույն կարծիքին է։ Քարոզչությունն Ադրբեջանում ուղղված է հակահայկական ատելություն սերմանելուն։ Սահմանին մշտապես լարվածություն կա, այնտեղ սպանում են մարդկանց։ Ցանկացած պահի կարող է արյունալի մարտ սկսվել, ինչպես տեղի էր ունենում Ղարաբաղում: Ինչպես ասում են` միայն Ադրբեջանի կամքը լինի»: