Հայաստանը շատ կարևոր գործընկեր է Ռուսաստանի համար. Պեսկովը մեկնաբանել է Թուրքիայի արձագանքը

Կրեմլում չեն կարծում են, որ ՌԴ նախագահ Վլադիմիր Պուտինի մասնակցությունը Հայոց ցեղասպանության 100-ամյա տարելիցին նվիրված միջոցառումներին պատճառ է Թուրքիայի կողմից բացասական արձագանքի համար: Այդ մասին հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Անկարայի բացասական արձագանքը. հայտնում է ТАСС-ը:

Նշենք, որ թուրքական կողմին դուր չէր եկել, որ Պուտինն իր ելույթում 1915-ի դեպքերը որակել է որպես ցեղասպանություն:

«Հայաստանը շատ կարևոր գործընկեր է Ռուսաստանի համար, ԵՏՄ-ի անդամ, Ռուսաստանի տարածքում ապրում են մեծ թվով հայեր, և ընդհանուր առմամբ, Մոսկվան ու Երևանը կապված են խոր պատմական արմատներով։ Բնական է, որ նախագահը եղել է հիշատակի միջոցառումներին այլ պետությունների առաջնորդների հետ։ Շատ կարևոր է ուշադիր ծանոթանալ Պուտինի ելույթին»,- ասել է Պեսկովը: