Հայաստանը միայն իրենից պետք է ակնկալիքներ ունենա. Գալուստ Սահակյան

«Հայաստանը միայն իրենից պետք է ակնկալիքներ ունենա»,- այսօր «Ընդդեմ ցեղասպանություն հանցագործության» գլոբալ ֆորումի մեկնարկից առաջ լրագրողների հետ զրույցում ասաց ԱԺ նախագահ Գալուստ Սահակյանն՝ ի պատասխան հարցին, թե ի՞նչ ակնկալիքներ պետք է ունենա Հայաստանը այն երկրներից, որոնք դեռևս չեն ճանաչել Ցեղասպանությունը:

Նա նշեց, որ միայն մեր կազմակերպվածության շնորհիվ կարող ենք հաջողությունների հասնել:

Հարցին, թե այս ֆորումն ի՞նչ կտա, պատասխանեց. «Նմանատիպ ֆորումները բարձրաձայնում են, և աշխարհը ճանաչելի է դարձնում իր համար երևույթը»:

Ինչ վերաբերում է նրան, որ ԵՏՄ անդամ երկրներից, նախագահի մակարդակով, ապրիլի 24-ին Երևանում է լինելու միայն ՌԴ-ն, ապա ԱԺ նախագահն ասաց. «Պիտի հարցնեք իրենց: Բոլոր երկրներն էլ ինչ-որ ներկայացուցիչներ ունեն, այնպես որ` յուրաքանչյուր պետություն ինքն է որոշում իր ներկայանալու ձևերը»: