Այդ հայտարարությունները Պապին սազական չէին. Դավութօղլուն բորբոքված է

Թուրքիայի վարչապետ Ահմեդ Դավութօղլուն անդրադարձել է Հռոմի պապ Ֆրանցիսկոսի մատուցած պատարագին, որի ընթացքումը 1,5 միլիոն հայերի զանգվածային կոտորածին նա տվել էր ճիշտ բնորոշումը` ցեղասպանություն:

Ըստ Samsunkenthaber-ի՝ Դավութօղլուն խիստ է արձագանքել Հռոմի պապի ելույթին՝ նրան մեղադրելով «միակողմանի և անհամաչափ մոտեցման» մեջ:

«Այդ հայտարարությունները Պապին սազական չէին: Նա տեղ է տալիս Եվրոպայում տիրող ռասակայանությանը: Նրա հայտարարությունները միակողմանի և անհամաչափ էին: Ցավերին միակողմանի նայելը սխալ է: Չսազեց Հռոմի պապին ու նրա դիրքին: Անիմաստ է արխիվները բացել նրանց առաջ, ում սրտերը փակ են»,- հայտարարել է Թուրքիայի վարչապետը: