Պարտադիր 12-ամյա կրթության մասին օրենքն ընդունվեց

Այսօր նիստում ԱԺ նախագահ Գալուստ Սահակյանը հայտարարեց, որ երեկ ԿԳ նախարար Արմեն Աշոտյանի մասնակցությամբ ևս մեկ քննարկում է եղել պարտադիր միջնակարգ կրթությունը 12-ամյա դարձնելու հարցով: Քննարկման արդյունքում օրենքը լրամշակվել է և այն պետք է դրվի քվեարկության:

Վարման կարգով ելույթ ունեցավ ՕԵԿ-ական Հեղինե Բիշարյանը` ասելով, որ իրենց որոշ մտահոգությունները փարատվել են, սակայն չի հանվել «պարտադիր» բառը, ուստի ձեռնպահ են քվեարկելու:

ՀԱԿ խմբակցության քարտուղար Արամ Մանուկյանը նշեց, որ թեև վստահ են, որ կառավարությունը չի կարող այս հարցը գլուխ բերել, բայց իրենց որոշ մտահոգություններ փարատվել են և կողմ են քվեարկելու:

85 կողմ և 0 դեմ ձայներով օրենքն ընդունվեց: