ԲՀԿ-ն գոհ է. օրենքն ընդունվեց

ԱԺ արտահերթ նիստում այսօր քվեարկության դրվեց «Շրջանառության հարկի մասին» օրենքում փոփոխություններ անելու հարցը:

ԲՀԿ խմբակցության պատգամավոր Միքայել Մելքումյանը նշեց, որ ԲՀԿ-ն ուներ երեք առաջարկություն, և կարելի է համարել, որ երկուս ու կեսը ընդունվել է: «Համարում ենք, որ մեր առաջարկներն ընդունվել են, և ԲՀԿ-ն կողմ է քվեարկելու»,- ասաց նա:

ԲՀԿ խմբակցության քարտուղար Նաիրա Զահրաբյանը հավելեց, որ երեկ ԲՀԿ-ն հանդիպել է ՓՄՁ-ների հետ, ովքեր հորդորել են ԲՀԿ պատգամավորներին կողմ քվեարկել: «Մենք նրանց հորդորով ենք կողմ քվեարկում»,- շեշտեց պատգամավորը:

Նշենք, որ Հրանտ Բագրատյանը կողմ է քվեարկելու, ՕԵԿ-ը` ձեռնպահ, ՀԱԿ-ն ու «Ժառանգությունը»՝ դեմ:

Քվեարկությամբ՝ 92 կողմ, 6 դեմ, 13 ձեռնպահ, որոշումն ընդունվեց: