Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Գերմանիայի Կանաչների կուսակցության` ազգությամբ թուրք նախագահ Ջեմ Օզդեմիրն այցելել է Ծիծեռնակաբերդ և, ծաղկեպսակ դրելով, հարգել Ցեղասպանության զոհերի հիշատակն ու կոչ արել Թուրքիային՝ ճանաչել Հայոց ցեղասպանությունը:
Տեղեկացնելով այդ մասին` թուրքական Ensonhaber-ը գրում է, որ ռադիոկայաններից մեկին տված հարցազրույցում Օզդեմիրն ասել է, որ Թուրքիան վաղ թե ուշ կճանաչի Հայոց ցեղասպանությունը:
«Եթե հնարավորություն ունենամ Էրդողանին անձամբ հանդիպելու, կասեմ՝ Հայոց ցեղասպանության 100-ամյա տարելիցին՝ ժեստ անելով բացեք հայ-թուրքական սահմանն ու այն անվանակոչեք Հրանտ Դինքի անունով»,- ասել է նա:
Ի դեպ, կայքը սխալ տեղեկություններ է տարածել, թե Օզդեմիրը միակ թուրքն է, ով այցելել է Ծիծեռնակաբերդ: Եղել են թուրքեր, այդ թվում` Հայոց ցեղասպանության գլխավոր կազմակերպիչներից Ջեմալ փաշայի թոռը՝ Հասան Ջեմալը, ովքեր ևս այցելել են հուշահամալիր: