Որդիս չի կարողանում ինչ-որ բանով զբաղվել. Արսեն Խոջոյանի մայրը՝ որդու մասին

Փետրվարի 2-ին Տավուշի մարզի Բերդի տարածաշրջանի սահմանամերձ Վերին Կարմիրաղբյուր գյուղի բնակիչ Արսեն Խոջոյանը բուժման նպատակով տեղափոխվել էր Երևան:

Արսենի մայրը՝ Սուսաննան, Yerkir.am-ի հետ զրույցում ասաց, որ որդին բուժում էր ստանում «Արմենիա» բժշկական կենտրոնում և արդեն մի քանի օր է, ինչ տանն է:

«Հիմա լավ է, դեմքի ցանն անցել է, համեմատաբար: Դեռ չի առողջացել: Դե հիմա ցուրտ է, չի կարող ինչ-որ բանով զբաղվել, մոտ 20 օր հիվանդանոցում մնաց, վիճակը լավ չէր: Լավ է, որ դեղերն անվճար են տրամադրվում՝ առողջապահության նախարարության կողմից: Լարիսա Ալավերդյանն էլ է օգնում»,- ասաց Արսենի մայրը:

Նրա բնորոշմամբ՝ Արսենի վիճակը շատ վատ էր և միայն վերջին օրերին է համեմատաբար կարգավորվել: