Վարչապետին դուր չեկավ ոստիկանությանը շատ գումար տալու նախագիծը

Կառավարության նախորդ նիստում որոշում էր ընդունվել ՀՀ տարբեր մարզերում տեղի ունեցող ընտրությունների պատշաճ կազմակերպման համար ԿԸՀ-ին տրամադրել 79 միլիոն 529 հազար դրամ, իսկ ոստիկանությանը՝ 5 միլիոն 9.7 հազար դրամ:

Վարչապետ Հովիկ Աբրահամյանը կառավարության աշխատակազմի ղեկավար-նախարար Դավիթ Հարությունյանից հետաքրքրվեց, թե ինչո՞ւ է ընտրությունների համար տրվող գումարը պահուստային ֆոնդից հատկացվում, չէ՞ որ բյուջեի ներկայացման ժամանակ կառավարությունը տեղեկացել է, որ այս տարի որոշ համայնքներում նախատեսված են ընտրություններ: «Պահուստային ֆոնդի գումարները պետք է տրվեն չնախատեսված կարիքների համար, բայց չէ՞ որ մենք նախապես տեղյակ ենք եղել գալիք ընտրությունների վերաբերյալ»,- ասաց նա և հորդորեց, որ այսուհետ նման հարցերը  կառավարությունը պատշաճ ուշադրության արժանացնի:

Օրենքի նախագծի վերաբերյալ իր տեսակետը հայտնեց նաև ԱԱԾ պետ Գորիկ Հակոբյանը, ով առանց խոսափողի էր խոսում, և լրագրողների հնարավորություն չունեին վերջինս նրա լսելու, սակայն Հակոբյանի խոսքին Հովիկ Աբրահամյանի արձագանքից պարզ է դառնում, որ նա համաձայն չէր ոստիկանությանը այդչափ գումար հատկացնելուն:

«Հիմք ընդունելով Գորիկ Գուրգենիչի առաջարկը` պետք է ոստիկանության գումարը կրճատել,- ասաց վարչապետը:- Պարո'ն Հակոբյան, օրենքով իրենց լիազրությունն է՝ պետք է ապահովվեն ընտրությունների ընթացքը: Դե, ես ոստիկանապետին հորդորում եմ հրաժարվել այդ ֆինանսական օգնությունից»,:

Օրենքի նախագիծն ընդունվեց: