Սե՞նց անձրևների տակ եք կռվել. Ռուբեն Գեւորգյանին ազատամարտիկների պահվածքը դուր չեկավ

Գագիկ Ծառուկյանին պատկանող «Փարավոն» ռեստորանային համալիրի բացօթյա դահլիճում «Երդվյալ ազատամարտիկների միության» համագումարի մեկնարկից տասը րոպե առաջ անձրեւ տեղաց:

Ազատամարտիկները թողեցին իրենց տեղերը և կանգնեցին տանիքների տակ: Այդ քայլը փոքր-ինչ դուր չեկավ միության հիմնադիր, ԱԺ ԲՀԿ խմբակցության պատգամավոր Ռուբեն Գևորգյանին: Նա ասաց. «Տղերք, ինչի՞ միանգամից ներս գնացիք, տղե'րք, դուք սե՞նց անձրևների տակ եք կռվել»:

Անձրեւը տևեց ընդամենը հինգ րոպե, որից հետո Ռուբեն Գևորգյանը հայտարարեց. «Տղե'րք, ցավներդ տանեմ, անձրևը եկավ, արևը բացվեց, զբաղեցրեք ձեր տեղը: Բոլորդ նստեք: Որ կանգնած մեկին տեսնեմ, ուղարկելու եմ սահման»: Նրա այս խոսքից հետո բոլոր ազատամարտիկները ոտքի կանգնեցին: