Չքննարկել, է, ասում եմ՝ ներկայացնել. վարչապետը զայրացավ

Այսօր կառավարության նիստում ՀՀ արդարադատության նախարար Հովհաննես Մանուկյանը ներկայացնում էր «Նոտարիատի մասին» ՀՀ օրենքում փոփոխություն կատարելու մասին»` ՀՀ կառավարության եզրակացության նախագիծը:

Վարչապետը հարցրեց. «Ինչքա՞ն է կազմում այդ ծառայության գումարը»:

«Ո՞ր ծառայության»,- հարցրեց Հովհաննես Մանուկյանը:

«Նոտարական ծառայության, ո՞ր ծառայության»,- պատասխանեց վարչապետը:

«Տարբեր են լինում վճարները, պարո'ն վարչապետ»,- ասաց նախարարը:

«12 հազար դրամ չէ՞»,- հարցրեց Հովիկ Աբրահամյանը:

Նախարարը հաստատեց, որ այդքան է:

«Ուրեմն հանձնարարում եմ, որ փոփոխություններ կատարեք այդ որոշման նախագծում, որպեսզի այդ ծառայության գումարը նվազեցվի»,- ասաց վարչապետը:

«Կքննարկենք, պարո'ն վարչապետ»,- ասաց արդարադատության նախարարը:

«Չքննարկել, է, ասում եմ՝ ներկայացնել նվազեցված ձևով»,- կտրուկ պատասխանեց վարչապետը: